Ningun crudo mas pa Isla

758
CMB – Mobile Banking Nobo
RBC Mortage
E Hefe DMAX
E-Seminar 550×110

PDVSA a stop cu entrega di petroleo crudo na Isla. E chens cu e refineria cuminsa bek ta practicamente chikito.
Na e momentonan aki Isla ta para pa motibo di mantencion.

E-Seminar 300×250

E motibo ta e beslag di ConocoPhillips. E compania di petroleo Mericano ta exigi pago di placanan di compensacion despues di e nacionalisacion door di Hgo Chavez. E Venezolanonan tin cu paga 2 biyon di dollar, segun Curacao Nieuws.
Un shotdown di Isla, gehuurd y explota pa PDVSA ta menasa pa ta confisca pa ConocoPhillips, segun Antilliaans Dagblad. Esaki ta sosodiendo cu e propiedadnan di PDVSA.

Segun Reuters, cu ta sigui e desaroyo for di comienso rond di e confiscacionnan aki, ta basa riba fuentenan desconoci. Pa evita e beslag, PDVSA a stop di suministra e refineria di Schottegat y e terminal na Bullenbaai cu petroleo nobo, pa cual e existencia di produccion ta cabanado y e refineria ta paralisando.
PDVSA tambe lo ta ocupa cambiando e suministro pa Corsou y transfiriendo esaki pa Citgo, e filial Mercano completo di PDVSA, den un intento pa evita otro beslag di parti di Conoco. “Como resultado, e refineria eventualmente (lo tin cu) stop e operacion,” e agencia di prensa autoridasa, ta cita un informante.

Un biaha mas Isla/PDVSA na Corsou, pero tambe e leiding di e compania petrolero estatal Venezolano na Caracas, no a reacciona. Mientras tanto, sindicatonan di Isla a reuni cu gerencia di Isla y e consul general di Venezuela.
“E administracion a sigura e sindicatonan cu e beslag ainda no tin consecuencianan pa e refineria. E trabao ta sigui,” Gherrel Remilia, presidente di e sindicato di Isla, Apri, a bisa. Den un comunicado interno, gerencia di Isla a informa e personal cu “Refineria Isla no ta enfrenta problemanan financiero.”
Tur e preparativonan a realisa pa e pago di e salarionan, como di custumber dia 27 di e luna aki, segun gerencia a informa. “Tur e subcontratistanan tambe a ricibi su remuneracion di e manera habitual.” E sindicatonan ta preocupa pa e futuro di e refineria debi na e acontecimentonan reciente.
“Mester tin un solucion sostenibel,” Remilia a bisa.

Prome minister di Corsou, Eugene Rhuggenaath (PAR) a bay den contacto cu e representante local di ConocoPhillips, kende a comparti su preocupacionnan riba e consecuencianan cu e embargo por tin pa e economia di Corsou. Den nomber di e poblacion, Prome Minister a pidi e compania petrolero Mericano pa e tene esey na cuenta y pa e respeta e comunidad local.

E Ministerio di Petroleo di Venezuela a reacciona cu Reuters: e ta rechasa e beslag di ConocoPhillips, cu a ricibi un reclamacion di 2 mil miyon di dollar door di PDVSA. Pero e gobierno di Maduro a bisa cu PDVSA “kier un solucion legal y pacifico,” loke ta sugeri cu PDVSA ta dispuesto pa paga.
PDVSA ta desea di adheri na e resultado di arbitrahe, cual Conoco a cuminsa y a gana despues cu Venezuela a nacionalisa e propiedadnan di e grupo Mericano na 2007.

Comments

comments

Dragon Fly
Aruba Bank Mega Smart Car Purchase