Un homber di edad basta jong di fam W ta den un situacion basta grave. Esaki tabata despues cu el a bula den lama y dal su cabez den seco.
E homber tabata gosando na e area di recreo den e lama pabou di e cura di airport banda di Surfside. Na dado momento el a bay tira cu cabez den e lama. E area aki ta un caminda hopi mucha ta gosa pasobra tin diferente cos traha pa e muchanan. E persona aki un tiki mas grandi tambe a bay purba bula.
E no a calcula e profundidad y pesey mes a dal su cabez. A bati alarma mesora y Polis Maritimo a presenta. Nan a haya dos ambulance presente y paramediconan tabata trahando pa yuda e homber fam W. Polis conoce como un persona di casnan di pueblo di Seri Patrishi aparentemente. E no tabata reacciona segun informacion compila na e sitio. Ta conoci cu den cierto caso hendenan cu a yega di bula den lama y dal cabez den e parti seco a keda paralitico pa semper. Ban spera cu den e caso specifico aki esaki no ta e caso.
