Dos auto a dal fuerte na rotonde Sasaki marduga y damita a keda herida

Un accidente ta keda registra na e rotonde di Sasaki Weg pa motibo di preferencia. Tabata diadomingo algo pasa di 4or y 35 di madruga, patruya di Playa hunto cu esun di Noord a presenta na e rotonde di Sasaki Weg, caminda a sosode un accidente basta fuerte.

Autonan a keda tur kibra Diadomingo marduga despues di accidente na Rotonde Sasaki

Un Kia y Un Suzuki a dal kibra marduga riba Sasaki Weg. Esaki tabata den careda di 4or pasa. Hasta tabata tin un damita cu a keda herida. E no tabata grave. Naturalmente e velocidad halto semper ta un problema ora di e impacto. E ta causa hopi daño material pero tambe daño personal.

Posted by 24ora on Sunday, May 20, 2018


Tabata un accidente entre un Kia Rio y un Suzuki SUV. Ora polis a presenta, mesora a bay over na tuma datos di loke a sosode. A bin saca afo cu e Suzuki SUV tabata bayendo abou riba e rotonde, Diripente e dama di e Kia Rio no a duna e SUV preferencia y a yega subi caminda cu consecuencia cu nan a dal semi frontal.

Daño material tabata basta grandi. E dama di e Kia Rio a ricibi sla basta bon y a manda pidi presencia di ambulance pa asina duna e dama asistencia medico y despues a transporte pa hospital.

Noticia relacionaMas for di e autor