E homber Victor C.F. a gana e Mini Mega cumprando su number vast na Mini Mega Plus di diabierna, 26 di januari, 2018. E jackpot a yega e suma miyonario di 2.6 miyon florin y esaki a wordo gesplit entre dos ganado, di cual cada un a cobra 1.3 miyon florin.
Victor C.F. a bishita Lotto diaranson pa cobra su premio. E tin 30 aña bibando aki na Aruba y e ta un carpinte cu awo lo cumpra of traha su propio cas y tambe cuminsa su mesun negoshi hunto cu su casa y yuinan. El a cumpra su 2 ticketnan di Lotto na Kinesia Palm Beach, cual un a resulta esun ganado.
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e diferente weganan di Raspa Y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
