Komishon di Ser’i Domi durante di temporada di fakansi tabatin diferente aktividat pa e mucha i hóbennan di bario di Ser’i Domi.
E miembronan di e komishon, enkabesá pa sra. Ana Maria Pauletta ta konvensí ku aktividat sosial, informativo i kreativo den bario ta kontribuí na bienestar di e abitantenan i tambe e sentimentu di union i inklushon den bario. Un bario fuerte ta dependé di su hendenan.
Durante fakansi a organisá entre otro un tour di bus pa e área di Banda Abou, un speurtocht den e bario mes i komo último aktividat lo tin un wega di sòftbòl spesial pa e chikitinnan.
Tur persona ta invitá pa djabièrnè awor di 10.00 pa 12.00 pa pasa wak e chikitin nan di e bario di Ser’i Domi den un wega amistoso i chistoso riba e vèlt di Ser’i Domi.
