WhatsApp lo lansa emoji nobo cu ya ta tendencia riba rednan social

WhatsApp ta sorprende nos cada dia cu su actualisacionnan y varios elemento innovador. Sin duda, un di nan ta e incorporacion di emojinan nobo pa e usuarionan no tin ningun inconveniente den comunica di manera dibertido y riba su punto cu su contactonan.

Segun e medio Spaño AS y Unicode – organismo cu ta valida e simbolonan aki, WhatsApp lo tin 230 emoticon den e aña actual, di cual 59 solamente lo ta nobo y 171 lo haya algun variacion.

Entre e emojinan nobo, lo aparece personanan resando of e ya menciona mate Argentino. Sin embargo, e icono cu a causa sensacion y burla na Europa, tabata esun di e man cu ta realisa e gesto di “casi” of “poco”.

Riba e rednan social nan a denomine como “The Pinching Hand”. Y hasta, e pagina emojipedia.org nan a cualifik’e como “un man cu e duim y wijsvinger cerca. Ta uz’e pa sugeri algo cu ta chikito”, of pa gesticula un porcion chikito.”

WhatsApp di e manera aki ta sigui innova y haci e combersacion di tur su usuarionan mas interactivo.

Sin duda, e anuncio a haci cu hopi persona a reacciona na e emoji nobo di manera particular.

“Asina mi tin mi pasenshi,” “Porfin mi no mester usa 👌 pa splica con cerca mi ta di algo,” “Por fin un emoji cu ta describio con cerca mi ta di laga tur cos y cuminsa cu un bida nobo,” tabata algun di e mensahenan cu usuarionan di WhatsApp a laga riba nan cuenta di Twitter.

Comments

comments