Riba un dia asina importante awe 22 di Maart cu ta Dia Mundial di Awa scohe fecha aki pa cuminsa sondea posiblidadnan pa por logra awa pa agricultura na un prijs pagabel pa nos agricultornan local. Esaki ta wordo hasi dor di WEB Aruba NV, Gobierno di Aruba y Departamento di Agricultura, Cria y Pesca Santa Rosa.
Cu esaki lo bai mira kico por ta e posiblidadnan pa un posibel solucion di awa pa nos productonan local cu ta pasando pa varios tempo cu e dificultad aki di scarcedad di awa. E parti primordial ta cu e mester ta di calidad y pagabel tambe. Logicamente mester mira tambe con nos productornan local nan tereno y facilidadnan di tereno ta pa por yega na remarke pa e awa aki.Tur aspecto lo bai wordo mira y teni na cuenta prome cu tuma un desicion final pa medio di un bishita serca nos agricultornan of un posibel encuentro.
Na momento di tin tur informacion y resultadonan, WEB Aruba NV lo bai traha riba un plan di maneho pa cu e distribucion di awa pa agriculturra yama “Water Roadmap”.esaki ta cana hunto cu e calidad y cantidad. E plan aki lo tin un duracion di 3 luna cu e mester wordo finalisa y depsues pa ehecution.
Den un ambiente ameno ayera mainta a tuma lugar na Santa Rosa e acto firmamento di e MOU den precencia minister di Transporte, Telecomunicacion y Sector Primario sr. Chris Romero, CEO di WEB Aruba NV sr. Luis Oduber y Directora di Departamento di Agricultura, Cria y Pesca Santa Rosa sra. Nathalie Maduro. Presente tabata tambe algun agricultor y productornan local.
Na final Prensa tabata tin oportunida di hasi pregunta y asina haya contesta debidamente riba esakinan.
