For di 10or di diahuebs anochi tabatin hende para dilanti porta di SETAR N.V. na Seroe Blanco pa ta prome den haya un celular diabierna mainta. Den 2018 SETAR ta cumpli 15 aña como un N.V. y ta preparado varios sorpresa pa tur clente durante transcurso di aña. Pa e luna aki a anuncia “Dos dia di Loccco” e weekend di oferta ta carga su nomber basa riba declaracion di e tan popular Clarita Britten.
Segun director di SETAR esaki ta un forma di duna comunidad bek. Na benta SETAR tin diferente modelo di telefonnan nobo y un modelo di tablet, cu prijsnan reduci te na 50%. Roland Croes a remarca cu tur telefon ta ultimo den technologia, ta “LTE Ready”, pues no ta telefonan cu a keda atras den tempo. E rij di hende na SETAR Seroe Blanco diabierna mainta tabata algun meter largo ya te den parkeerplaats.