Wardacosta ta keda aplica ley y detencionnan na momento cu personanan indocumenta purba drenta e islanan di forma ilegal.
Recientemente Wardacosta a detene 10 persona indocumenta cu arma y droga den awanan teritorial di Aruba. Tur e personanan y e contrabanda a ser entrega na polis. Wardacosta ta pone tur su unidadnan disponibel pa asina garantisa siguridad den e awanan teritorial di Aruba, Corsou y Boneiro.
E barco di Marina Real Zr. Ms. Groningen y su helicopter NH-90 lo sigui colabora cu Wardacosta. E milicianonan di Aruba y Corsou tambe ta sostene e patruyanan den e awanan rond di e islanan. Abo como ciudadano alerta tambe por yuda Wardacosta. Na momento cu bo mira algo sospechoso riba lama of na costa, bo por yama Wardacosta riba e number 913. E number aki ta alcansabel di dia y anochi.
