Practicamente tur dia tin accidente ta sosode cu personanan coriendo riba Quadracer of UTV.
Principalmente turistanan ta envolvi y esaki tabata e caso di e accidente dialuna den oranan di atardi tambe. Polisnan a bay banda di Centro Kibrahacha unda tabatin un accidente cu quadracer.
Ta parce cu tabatin dos quadracer ta keiro hunto ora cu un di nan, net den e bocht a perde control y a bay dal den un monton di santo. Un di e turistanan a cay net mey-mey di dos monton di santo unda tin parti di un trailer y parce el a dal su curpa eynan y tabata keha di dolor.
Dos ambulance a transporta e heridonan pa hospital pa control medico.
