Venezolana ta denuncia trato inhumano na Guarda nos Costa

Tin hopi cos ta sosode na Guarda nos Costa loke no mester sosode, un Venezolana, kende tabata deteni a comenta, den su salida pa su pais natal.

El a comenta cu eynan nan ta tene hende 21 ora cera. Tambe cu nan a haci un fout y e mester a paga un pasahi pa 1600 florin. Eynan tin un trato inhumano, pero no tanto pa e trahadonan, sino door di Trudy Hassel, kende a laga sa bon cla cu e ta hefe y e ta esun cu ta manda.

E ta haci un yamado pa tur hende haya sa cu no solamente e ta sosode cu e Venezolanonan, sino tur hende cu ta cera eynan. Tin un Haitiano eynan cu ta sufri di sucu cu mester inyecta insulina. Y riba dje e no tin papel pa e bay den exterior.

E dama Venezolano ta haci un yamado na nan pa nan ta mas humano cu esnan cera eynan. 21 ora cera, hasta cuminda nan ta haya friu y malo. Ta un trato inhumano. Diripente no di e trahadonan, pero di parti di Trudy Hassel.

 

E dama a logra gara un vuelo di Albatros pa e bula bay Venezuela, e mes a drenta Aruba via boto ya un aña y mey atras. Pero un cos ta sigur, el a comenta, cu e no lo bin Aruba mas.