Ta birando un custumber cu casi tur dia, sea un UTV of ATV, ta bolter. E biaha aki ta na altura di Natural Bridge. Un famia turista den un UTV a tuma un ruta prohibi, baha un cero yena cu baranca y a bolter. E UTV a keda cu dos wiel den laira. Daño material tabata minimo, pero shield di e UTV a kibra completamente.
E famia turista tabata parti di un tour, pero pa un motibo of otro a desvia di ruta. Tur cos ta mustra cu kier a yega mas cerca di e brug, pero e intento a fracasa. Door di e impacto, tabatin dos persona herida, di cual un di nan a kibra su pia rechts. E tabata keha di hopi dolor na e sitio.
Polis y ambulance a presenta pa atende cu e accidente y e persona herida. Na final mester a haci uzo tambe di personal di Brandweer pa yuda carga e victima p’asina paramediconan brind’e atencion medico.
