Aruba a saca un man pa Sint Maarten. Rino Hermans, kende ta hefe di e Departamento di Calamidad (Rampenbureau), a splica di nan papel cu nan a hunga, hunto cu Gobierno di Aruba y di Sint Maarten y tambe di cuanto esfuerso nan a haci, den e caso aki, cual no tin di haber cu Aruba kisas. El a comenta cu nan ta den operation y tambe cu a activida e structura na Aruba. E horcan por a pasa na Sint Maarten, pero na Aruba, den su plan, loke ta wordo yama Rampen op Afstand, ta prepara si tin un desaster riba un distancia, si e por influencia nos forma normal na Aruba y den e caso aki ta un isla ruman den reino Hulandes, cu desde diamars a activa pa duna nan asistencia.
Desde varios dia pasa, e structura na Aruba ta den alerta. Ta reuni dos biaha pa dia, en espera di e asistencia cu lo a wordo pidi for di Sint Maarten pa e prome fasenan di un desaster. Den e prome fase nan a pidi asistencia pa mantene orden publico cu tabata polis. Tin 21 polis Arubiano eynan. Despues di esey a manda Rode Kruis, ora cu tabata sigur pa nos hendenan bay duna asistencia eynan. 12 miembro di Rode Kruis a bay. Eynan a cuminsa establece contacto.
Despues a haya den e scenario cu diamars, prome minister mes a bay Sint Maarten y a manda un avion pa cuminsa evacua hendenan, pasobra e situacion eynan ta un tiki precario pa esnan cu ta eynan. Despues a percura pa dos avion mas a bay evacua nos hendenan. Tabata tin funcionarionan di Aruba di imigracion, Sociale Zaken y Rampenbureau, cu tambe a bay Sint Maarten pa coordina evacuacion di nos Arubianonan cu tin famia pa ricibi nan na Aruba. Esey a sosode te cu diahuebs anochi, cu a evacua mas of menos 310 hende for di Sint Maarten cu lo bay pasa e dianan dificil na Aruba hunto cu nan famianan, te cu stabilisa Sint Maarten pa nan por bay bek ey.
Awor aki ta preparando pa e otro fase di e incidente aki, Horcan Irma, cu lo bay evacua tur Europeo y muy probablemente lo bay haci uzo di Aruba, pa busca nan connection flight na nan destino na Europa.
