Union Europeo pa awor aki lo no tuma sancion nobo contra Venezuela, esey ta loke e Ministernan di Asuntonan Exterior a dicidi durante un reunion na Luxemburg. “Pero suavisa tur sancion imponi actualmente no ta riba mesa“, asina Comisario pa Asuntonan Exterior di Nacionnan Uni, FedericaMogherini a bisa.
Union Europeo ta mira awor aki solamente un solucion politico pa e crisis na Venezuela. Ta pa e motibo ey a dicidi pa reconoce un “counter group” hunto cu e partnernan den region, cu lo por facilita e proceso politico cu ta hiba na restauracion di ordo legal democratico.
No ta bay pa un intermediacion of dialogo, pasobra e situacion no ta presta pa esey, segun Mogherini cu ta un politico di Italia, a finalisa bisando.
