Union Deportivo Banda Bou (UNDEBA) ta partisipá ku resientemente dia 27 di sèptèmber 2018 e organisashon a tene su elekshon di su direktiva nobo.
Seguidamente riba dia 7 di òktober último direktiva den su promé reunion ofisial a skohe i apuntá tur diferente funshon den e direktiva.
E konstelashon di direktiva aktual ta konsistí di:
Nòmber Funshon
Jerrel Helena Presidente
Vicky Trinidad Visepresidente
Jude Reyes Sekretario
Sendie Vrutaal Segundo Sekretario
Lisette Hu-A-Ng Tesorero
Richard Statius Segundo Tesorero
Estrelita Felipa Komisario
Fanny Sambo Komisario
Maikel Hooi Komisario
Riba foto (den sekuensia de links pa rechts) athunto por mira e miembronan di direktiva. Ousente riba e foto ta Maikel Hooi. E direktiva a ekspresá su intenshon pa pone nan skouder bou di e trabou pa yuda pone UNDEBA bèk kaminda e mester ta, den e vários divishonnan di futbòl, spesialmente den Promé Divishon.
Direktiva di UNDEBA ta sigur di por logra esaki ku e apoyo di pueblo di Kòrsou en general i e fanatikada di UNDEBA en partikular.
Pa mas informashon por tuma kontakto ku direktiva na 525 10 55 Por mail nos tambe na [email protected]
