Diabierna atradi na momento cu tur hende ta dirigi nan mes pa cas a sosode un accidente den cadena riba caminda principal di Savaneta. Cuater auto envolvi caminda cu dos persona a resulta herida.
Esaki a tuma luga riba caminda di Savaneta, dilanti Dr. Ramautar, den careda di 5:00 pm. Afortunadamente e trafico por a sigui pasa na banda y asina no a ocaciona un stagnacion. Pa locual ta trata e dos personanan herida, dos ambulance a presenta na sitio y a transportanan pa hospital pa chekeo medico.
No tin informacion kico lo por a ocaciona e accidente, tin basta daño material y e heridonan no ta di gravedad y un rato despues tur cos a normalisa.