Dor di e situacion di COVID-19, Scol Practico pa Ofishi (SPO) Santa Cruz a organisa un evento diferente pa informa nan graduadonan di e resultado. Ayera mainta e team di SPO Santa Cruz a sali den forma di un ‘Caravana Musical’ pa bishita nan alumnonan y duna nan e resultado.
E alumnonan yen di nervio mester a “login” riba e pagina di Facebook di scol, pa asina “follow” si e bus ta drenta den nan bario pa bin anuncia e bon noticia.
E alumnonan hunto cu nan mayornan a ricbi e team cu yen di alegria y emocion. Y nos ta sigur nan tur lo corda e momento special aki. E porcentahe cu a gradua pa e prome periodo ta no menos di 91%.
