Aruba Tourism Authority (ATA) ta informa cu e sectornan di acomodacion; restaurant; trucknan di cuminda; tienda y supermercadonan tin solamente dos dia pa registra ainda pa Health & Happiness Code. Esaki a wordo splica door di Ronella Tjin Asjoe Croes, CEO di ATA.
Un luna pasa a keda lansa e “Health & Happiness Code” (programa di protocol). ATA ta hopi satosfecho cu e cantidad di companianan, di sector, cu a registra. Ta papia aki di casi 1800 compania cu a entrega tur e informacionnan necesario. Te cu ayera tabatin 700 compania cu a ricibi nan seyo di ta cumpli cu tur e exigencianan di protocol di Gobierno. Of tin cu a ricibi informacion di kico nan mester caba di drecha ainda.
Dia 14 di juni awo ta cera e registracion pa e prome categoria di negoshinan pa cual a lansa e programa un luna pasa: Acomodacion, restaurantnan; tiendanan; supermercadonan y trucknan di cuminda. Nan tur a haya un luna pa presenta nan informacion y bini na remarca pa e seyo di cumplimento. Ta recorda cu no ta bay acepta ningun registracion pa negoshinan di e sectornan menciona despues di e deadline. E motibo ta cu lo bay enfoke den e siguiente categoria di negoshi pa cual a habri registracion siman pasa, cu ta taxistanan, carrentals, operadornan di tour cu ta ofrece servicio terestre. Lo sigui atende cu e grupo aki y pronto ta bay ta lansando protocolnan pa otro tipo di negoshi. Operadornan di tour cu ta ofrece actividad riba awa, cu mester diferente otro tipo di protocol, pero tambe casino y spanan.
E protocolnan aki, el a splica, no ta nifica cu mester cumpli cu e condicionnan pa habri. E apertura di negoshi ta mara na e trayecto di Gobierno cu ta sigui cana. Pero ta wordo exigi di e negoshinan cu nan mester cumpli cu e registracion asina cu e protocol di nan sector ta cla. Pronto lo tin un Taskforce cu ta subiendo caya pa haci e inspeccion di e negoshinan registra. Por sosode cu nan ta haci registracion di negoshinan cu no a registra. E bishita aki ta inclui si a registra debidamente den e programa.
E ariba nifica cu e siguiente sectornan tin solamente dos dia mas pa registra y cualnan ta sectornan di: acomodacion, restaurant, trucknan di cuminda, tienda y supermercadonan. Por subi riba www.arubacovid19.org, click riba e icono di Health & Happiness Code pa registra.
Tur esnan cu registra di bin di bishita na Aruba, ta cuminsa haya informacion di companianan cu a cumpli cu e registracion y tin un seyo. Prome ta haya un seyo di a registra y esnan cu pasa den e inspeccion ta haya un seyo di oro.
