Diahuebs mainta recherche a trece aden un persona, kende lo tabata envolvi den un ke otro estafa. E persona aki lo mester a gaña mas di 300 persona cu e promesa cu nan lo haya asilo politico. Aparentemente e persona aki ta conoci caba di comete actonan asina. Recherche ya tin’e deteni pendiente pa mas investigacion.
Vocero di polis, Lito Lacle a splica despues di un investigacion cu a dura basta luna, a detene e persona aki di lo a gaña algun shen hende.
Tur esaki ta cu probablemente e ta traha papelnan pa pidi asilo politico pa e hendenan y priminti nan cu nan lo bay haya trabao. A base di esaki a bay over pa detene e persona aki y awo tin cu wak con e investigacion ta anda.
Te awor aki ta un detencion tin, cu e posibilidad di detencion di mas hende.
Keho
Mas cu 20 keho a wordo entrega contra e persona aki. Loke ta en busca di dje, cu probablemente un paar di shen hende lo a wordo engaña door di e persona aki. E probabilidad ta grandi. Hopi hende ta keriendi cu nan papelnan ta den proceso y en berdad no tin ningun proceso andando. Ta tumamento di placa over, un papel ta wordo traha y e persona ta kere cu su papelnan ta den proceso.
Mas keho cu tin entrega ta miho. Tur cos ta bay depende di loke ta bay confisca den huiszoeking. E problema mas grandi cu ta hibando cu e investigacion aki ta cu mayoria di e personanan aki tin un adres cu no ta klop. Eynan ta purba di via medionan di comunicacion pa anuncia y pidi personanan cu si tin hende cu ta den proceso cu e persona ki, pa por fabor pasa warda na Frankrijkstraat y entrega keho.
Te awor aki tin un detencion. Posibilidad ta grandi cu lo bay tin mas den futuro.