SIMAR ta sumamente preocupa cu agresion na scol

1

Diahuebs mainta a sosode un hecho caminda cu sindicato di maestronan SIMAR, a expresa nan preocupacion. E siman aki SIMAR a wordo informa di un suceso cu a sosode na St. Franciscus College, unda cu a haya tende cu un maestro a wordo agredi pa un mayor.

SIMAR kier a laga sa cu nan ta bezig cu e suceso aki, pasobra loke a pasa na e scol ta algo di lamenta y ta inaceptabel. Un maestro no mag wordo agredi pa un mayor ni tampoco pa un alumno. Tin otro manera pa soluciona un situacion ora cu un problema surgi. A tuma contacto y a reuni cu diferente instancia y keyholders cu tin di haber cu e suceso aki. A papia cu SKOA, a papia cu directiva di scol. A hasta papia cu polis y cu e docente. Tabata tin tambe contacto cu prome minister. Awo SIMAR ta bezig ta wak con pa soluciona e suceso aki y tambe pa wak con pa evita un suceso asina sosode un otro biaha.

SIMAR: Cu precupacion pa maestro agredi

Posted by 24ora on Thursday, March 28, 2019

E obhetivo di SIMAR ta, pa bringa pa e deercho di e maestronan y esaki ta algo cu nan ta haciendo actualmente cu e suceso cu a pasa na St. Franciscus College.

Motibo di agresion

A surgi un situacion na e scol y e mayor no tabata contento manera cu el a wordo soluciona. Esaki a haci cu e mayor a bin y a agredi e maestro.

Prome reaccion

Directiva di scol a haya esaki algo di lamenta y no ta algo normal cu ta pasa na scol. Nan tambe tabata riba dje, cu tin cu bin cu un solucion, pasobra esaki no por sigui pasa. Actualmente SIMAR ta bezig cu un plan di siguridad pa wak pa esaki no pasa mas un otro biaha.

Prohibi pa esnan no autorisa