Un chauffeur cu a bay duna un truck un chens pa crusa caya, a haya su mes envolvi den un accidente na e crusada grandi riba Avenida Milio Croes na Dakota.
Rond di 10.30 diahuebs mainta Polis ta wordo manda pa un accidente basta pisa n’e crusada banda di Compleho Deportivo Guillermo Prospero Trinidad. Na yegada a constata cu e daño material tabata hopi pero no tabatin daño personal. Informacion acumula na e sitio ta mustra cu e vehiculo preto coriendo riba e Avenida, biniendo for di Playa, mester a lora pa bay den Druivenstraat, pero el a para pa duna e truck, cu mester a pasa e crusada, un chens.
Chauffeur di e truck a subi caminda di biaha y no a mira e pick-up corra cu tabata bahando di aeropuerto. E pickup a bin dal den dje, pasobra no por a brake mas. Door di e impacto, e pick-up a sigui y a dal den e auto preto tambe. Manera menciona, e daño na e dos autonan particular tabata basta hopi.
