Club Kibrahacha a organisa su famoso Fundraising Bazaar diadomingo, prome di november, como su ultimo actividad grandi di recaudacion di fondo p’e aña aki.
Janely Nicolaas, director di Club Kibrahacha, a splica cu e feria anual a inclui benta di obra di man prepara p’e trahado y e miembronan, bolo, mata y un mercado popular. Tambe tabatin un cushina y un bar bon surti.
Un di e atraccionnan principal tabata e bingo, cu a cuminsa pa 11:00 AM.
E programa musical a inclui Melodia, Kibrahacha Boys, Las Unicas, Robert Thiel y su Gang y Running Cowboys, cu tabata programa pa clausura e entretenimento di e atardi. Nicolaas a confirma cu e club tabatin tent, stoel y suficiente espacio pa parkeer auto, p’e bishitantenan por a disfruta di e actividad comodamente.
Cu e Fundraising Bazaar, Club Kibrahacha a busca pa recauda fondo, mientras cu e actividad a ofrece comunidad un ambiente agradabel di fin di aña, yen di musica, cuminda y diferente atraccion.
Pa mas detaye lesa TREMPAN.
