Pa Ingrid Bislip, organisado, Halloween ta mucho mas cu solamente un fiesta di un anochi. Durante hopi aña, na Wayaca e famia a mantene e tradicion di celebra Halloween hunto, y awor cu e yiunan grandi tin nan propio yiunan, e custumber ta continua cu e generacion nobo.
Durante e celebracion di e aña aki, hopi mucha a pasa rond pa busca dushi y disfruta di e ambiente. Bislip a conta cu e actividad ta un tradicion familiar cu ta dura pa hopi aña.
Segun Bislip, cada miembro di famia ta contribui cu algo pa e celebracion, sea un snack of otro aporte, y despues tur ta disfruta e anochi hunto.
Ingrid a comparti cu Halloween semper a gusta su hopi desde cu e tabata mucha. Sinembargo, e a expresa preocupacion tocante un holo desagradabel cu ta bin di un tereno den e area.
E holo, segun Bislip, no tabata fuerte e anochi aki, pero e ta lamenta cu e muchanan tabata pasa rond mester a soporta e situacion mientras cu nan tabata disfruta di e actividad.
A pesar di e incomodidad, e tradicion familiar ta continua. Pa Bislip, e esencia di e celebracion ta den e momento cu famia ta reuni, cada un ta contribui y tur ta pasa un anochi agradabel hunto.
