Apesar cu riba e isla, ta tumando e medidanan necesario y tambe por mira un tipo di histeria entre e habitantenan pa nan ta mas protehi posibel, 24ora.com tabata combersando cu algun turista, kendenan no a mustra ningun clase di preocupacion pa e yegada di Coronavirus na nos isla. Un di e turistanan, Tammy Sharp, a comenta cu Aruba ta tumando e precaucionan necesario, compara cu Merca, e ta bisa na harimento. Esaki ta prome biaha cu Tammy ta bin Aruba y e kiermen no mester haci nada realmente, concerniendo Coronavirus.
Tammy a conta cu nan a crusa frontera pa Canada pa bin Aruba. Cerca di unda cu nan ta biba, mas of menos 20 miya, tin hende cu ta den cuarentena. Riba su mes e ta disfrutando di Aruba. Ta hopi bon cu Aruba no ta mucho grandi y cu e no ta pandemico. Tur hende ta spanta. No tin nada riba shelf for di caminda nan ta bin y nan ta sinti na Aruba ta un luga sigur.
E ta totalmente diferente, Roger su casa a splica. Tambe ta trata di e temperatura. Nan ta bin di un area cu sa ta hopi friu y tambe nan sa tin hopi griep. Caminda nan ta kedando, nan a mira cierto grado di precaucion, manera cu nan ta haci e mannan di porta limpi, y tambe e mannan di trapi y e sa cu e situacion aki no lo bay daña nan vakantie.
Pa awor aki, nan ta disfruta di nan tempo aki na Aruba, ora cu nan ta cla pa bay cas, nan lo wak con cos lo anda ora nan drenta bek nan pais.
