Dialuna mainta banda di 10’or y 15, a sosode un accidente na e crusada banda di Guardian Group/Fatum. Eynan un taxista y un turista tabata envolvi. Na prome instante a drenta informacion tabata tin un accidente caminda dos auto a dal riba un truck na e crusada menciona. Varios unidad di polis a wordo manda cu urgencia. Ora cu a yega eynan, a bin resulta cu un truck di DOW, cu tabata bayendo Bubali Plas, no tabata envolvi den e accidente, pero si tabata testigo. E taxi tabata coriendo su dilanti y a pasa den luz berde bayendo nort riba Sasaki. For di Ling & Sons bayendo direccion Tamarijn, tabata tin un auto cu un turista eyden. El a wak e luz malo. El a wak e luz berde, despues di e crusada, mientras cu e luz caminda cu e tabata e momento ey ta cora. E siguiente crusada tabata berde. Riba esey el a bay crusa, net e autonan tabata bin for di ariba. E Chauffeur femenino di e taxi no por a evita e accidente. E taxi a zwaai 180 grado keda cara pa Playa. E dama tabata hopi spanta y ambulance a bay cun’e pa control medico. Polis ta haciendo investigacion di e accidente. E turista no a keda herida. E autonan a keda hopi kibra.
