Diadomingo, den forma repentino, dos criminal cu ta cera relaciona cu atraco riba La Estrella a wordo manda Hulanda. E dos criminalnan aki, uno di 22 aña, e otro di 19 aña ta di nacionalidad Latino. A descubri cu tin intencionnan di huida den KIA y hasta a menciona cu nan tin contacto cu gruponan di afo cu kier bin rescata nan for di KIA na cualkier momento. Nan mes internamente tabata haciendo preparacion pa wak con nan por bandona y huy for di KIA. Ya caba tabata tin cierto blank spots cu no tabata tin wowo riba dje den KIA y nan tabata conoce tur e luganan aki pa asina nan por a logra yega na e momento pa huy for di KIA. A descubri esaki y mirando cu ta dos criminal pisa cu record caba, y hasta ta wordo considera cu nan a mata na Venezuela, mirando tur informacion cu a haya den nan poder di nan posibel huyda cu yudansa di afo, a pone cu Team di Aresto a bay busca ambos y hibanan Hulanda. A buscanan den oranan di atardi, for di KIA nan a bay aeropuerto cu vigilancia pisa di team di Aresto y nan a bay Corsou. Via Corsou nan a wordo manda Hulanda unda cu nan lo bay sinta nan castigo. Ministerio Publico, hues comisario, tur a tuma decision riba esaki.
