Cu un total di 3.840 punto, diadomingo marduga Stichting MUSICA a anuncia cu e Power Soca King di aña 2024, pues Carnaval 70, ta Carl Roosberg “Galloway Jr”. El a presenta cu e banda Tsunami. Titulo di su soca ta: “Mash Up”. El a baha e corona do Caiso King di aña pasa y a bisti esun di Power Soca King di e aña aki.
Na di dos luga a keda M.K.E.Y. di e banda Youth Extreme, mientras cu na di tres luga tabata Tsunami atrobe cu e cantante Easy B.
Premio di “Rookie of the year” a bay pa “Big Reckless”, mientras cu e banda miho uniforma tabata Tsunami y e cantante cu e miho kostuum ta Mitch Almary di Tsunami tambe.
Contrario na diabierna, e publico di diasabra si tabata hopi.
Por conclui cu comunidad a manda un mensahe cla pa Stichting Musica, cu tin mas interes den e Power Soca cu den Groovy Soca. Of un idea lo ta pa mantene henter e festival riba un solo dia.
