Sin cesantia, aña a habri y por a mira cu tin un divisionmey mey di e trahadonan na La Linda y sigur e preocupacion, mirando e diferenteinformacion cu ta circula.
Sin e confirmacion di gerencia ta wordo bisa di lunapasa cu La Linda lo cera despues di tanto aña den caya grandi, etc. Perodespues cu dia 29, trahadonan a bay cas, nada mas a wordo bisa na nan. Esnan cuta cobra cu Aruba Bank, a cobra nan salario, esnan cu ta cobra cu CMB, ainda noa haya nan placa riba nan cuenta. Nan ta pendiente pa esey. Tambe a tuma notacu dia 3 di Januari, den oranan di mainta, un grupo di trahado a wordo permitipa drenta y cuminsa traha.
E luga ta cera, pero nan ta haciendo aparentemente cierto limpiesa, etc. den La Linda. Otro trahadonan cu no a wordo pidi pa bin trabao, a yega y nan no a permiti nan pa nan drenta. Nan a mira si cu tin un grupo di mas of menos 10 colega eyden.
E cantidad di trahado di La Linda ta riba 40 y tin un grupo cu a bay abogado, pa asina atende cu nan cesantia y delibera cu gerencia di La Linda.
E grupo aki ta esun tambe cu aparentemente nan no kier mira mas den e luga, pasobra cu nan a bay busca nan derecho legal. Awor aki nan ta wardando wak kico lo bay bira e siguiente paso pa loke ta e asunto di nan cesantia.
Aparentemente kier duna e trahadonan nan placa di cesantia y tres luna di salario. Esey ta loke kier duna. Tin trahado cu tin 40, 41 aña, 30 y pico aña, hopi tin añas di servicio trahando na La Linda y awor aki nan tin cu busca nan caminda legal pa nan por keda cla cu nan placa di añanan di servicio cu nan a traha p’e.
No tin mucho claridad, aunke ta wordo bisa cu nan a haya nan placa, cual no ta e caso. Nan no a cobra ainda nan cesantia. Abogado ta bezig cu gerencia y pa wak ki dia nan ta haya nan cesantia y tres luna di salario cu nan lo a priminti nan.
Mientras tanto ta wordo bisa cu e luga no lo bay cera, pero ta un rumor, cu ta circula eyfo y tempo lo mustra si esey ta e caso.
Mientras tanto La Linda ta cera, y tin algun trahado ta haciendo algun trabao paden riba dia 3 di Januari.
