Diahuebs e trahadonan di Pro Tech a tene un walkout. Nan ta protesta contra e menasa y maltrato laboral cu nan ta ricibi for di gerencia di Pro Tech. Comisario huridico di SEPPA, mr. Edwin Duijneveld, a indica cu pa hopi tempo caba nan ta purba di yega na un CAO nobo pa e trahadonan.
E negociacionnan tin algun tempo caba ta tumando luga, pero na dado momento esaki a pega. Segun mr. Duijneveld, gerencia di Pro Tech ta dicidi ken ta bay den e CAO y ken no. Esaki pa e trahadonan y pa SEPPA ta algo inaceptabel.
Na februari caba, Pro Tech a bin c’un proposicion, cu pa SEPPA no ta acceptabel. Pero SEPPA a bin c’un contra-proposicion, mientras cu Pro Tech ta keda para riba nan proposicion inicial.
Pa un relato mas amplio, lesa bo corant digital TREMPAN.