E aliado di operadornan di vacation rentals, Vacation Rental Professionals of Aruba (VRPA), a lansa su asociacion oficialmente durante un cumbre di ‘policy regulations’ y a devela e resultado di un estudio di e impacto economico y laboral cu e industria di Vacation Rental ta respalda.
Durante e cumbre, oradornan renombra internacionalmente a describi e ultimo tendencianan di e industria, e miho practicanan como tambe ehempel di modelo di regulacion pa beneficia for di e miho di e industria di Vacation Rental pa Aruba.
“Vacation Rentals ta trece un impacto economico considerabel pa Aruba, sosteniendo un forsa laboral significante”, segun president di VRPA Stuart de Vries.
Durante e cumbre nos a anuncia resultado di un estudio di e impacto economico y di empleo, demostrando di e forma aki e importancia cu nos industria ta trece pa Aruba. E estudio aki ta financia pa VRPA conhuntamente cu Aruba Tourism Authority, AHATA y Association of Aruba Realtors.
“Na aña 2021 e industria di vacation rental a genera un calculacion di $248,6 miyon dollar na entrada directo for di e bishitantenan di vacation rental. Esaki ta traduci na $478.7 miyon di dollar na actividadnan economico total, creando un poco mas di 5,600 cupo di trabou pa nos pais,” de Vries a enfatisa.
E cumbre tambe a describi e miho practicanan y ehempel di modelonan pa desaroya maneho aplicabel pa e industria di vacation rental.
“E maneho cu ta mas exitoso semper ta crea cu participacion di esunnan cu ta activo den e industria. Nos obhetivo como asociacion ta pa crea concietisacion y habri caminda pa combersacion cu stakeholders, hunto cu gobierno, demostrando e miho practicanan y modelonan, como tambe logra cumplimiento di rekisitonan,” segun de Vries.
E ‘Vacation Rental Professionals Aruba (VRPA) policy summit’ ta pa lidernan di e industria di vacacion, expertonan di maneho di ‘policy’ y companianan di datonan di biahe y vacacion, pa examina e tendencianan di e bishitantenan cu continuamente ta cambia, e miho practicanan y e solucionnan pa cumplimiento. E oradornan durante e cumbre tabata experto for di e industria di vacation rental Matt Curtis, ex-City manager Jeff Coffee, CEO di Safely Andrew Bate y Amanda Martins, Director of Customer Happiness di Safely.
“Nos meta ta pa trece informacion na comunidad,” segun Matt Curtis, fundador di Smart City Group y autor di ‘Long-term Solutions for Short-term Rentals’.
“Compronde datonan economicoy di empleo mientras ta revisa opcionnan di maneho y regulacion, lo yuda Aruba crea un industria regula y factibel pa nos tur na Aruba. E cumbre a ofrece informacionnan balioso pa stakeholders capta e miho di e industria vibrante di vacation rental,” Curtis a menciona.
VRPA a funda na aña 2021, y desde comienso di 2022 a transcuri un proceso organisatorio extenso conhuntamente cu expertonan local y internacional pa asina crea un asociacion serio cu metanan pa cu termino cortico y largo. VRPA ta compremete su mes pa defende y representa e mihor interes di e industria di vacation rental na un manera profesional, transparente, diligente y sostenibel. E asociacion ta dedica su mes pa concientisa y educa encuanto e beneficionan asocia cu maneho profesional di vacation rentals y percura pa union di e industria. VRPA su hunta ta consisti di presidente Stuart de Vries, secretario; Alberto Perret-Gentil, tesorero; Alex Cybul y miembro di hunta Francis Saladin.
Pa informacion encuanto e estudio di e impacto economico y di miembresia, bishita www.vrparuba.com.
