Diasabra despues di 12:00 am polis a bay na Juwana Morto Complex # 9-B pa un problem’i pareha cu a bay completamente fo’i man y a termina den un hincamento.
Mesora na yegada di polis a cuminsa atende cu e homber cu su brasa tur na sanger. A pone presion rib’e herida t’e ora ambulance a presenta pasobra e tabata sangra basta.
Na yegada di ambulance a transporta e homber pa ImSan, hunto cu polis den dje. E señora a bay cu polis pa ward’i polis na San Nicolas.
Ta acusa e señora awor di intento di asesinato, pues di a purba mata e homber cu un cuchiu. E motibo dicon e pleito por a caba den hincamento, ainda no ta conoci.
Pa loke t’e cuater muchanan, a bay den patruya pa ward’i polis di San Nicolas pa por pasa nan over pa Slachtofferhulp.