Diadomingo marduga polis a presenta na altura di Wayaca 121 p’un parada riba caya. Un fiest’i haciment’i aña a bira un mini jump-up riba caya, cu brassband bay bin den e caya y tur e invitadonan cu ‘glow-stick’ den man ta zwaai “Road on Fire”.
E tabata forma un molester pa bisiña, cu no tabata invita pa e fiesta. Claro cu nan a yama polis pa caba cu e bochincha y strobamento di trafico den dicho caya.
Tur cos a cana nechi sin ningun incidente. Polis a pidi tur hende bay bek den cura y ta net na momento cu brassband a termina di toca tambe. E defensornan di ley a splica algun di e invitadonan tambe cu; ta solamente SMAC tin permiso pa organisa jump-up riba caya.
