Awe tardi pa 4:40 pm a activa bombero y polis pa Ayo. Ey tabatin un UTV cu turista, den pleno tour, a overheat y cu consecuencia cu e vehiculo a pega na candela.
Bomberonan a yega mesora na e sitio pa combati e candela. Lamentablemente e candela a desaroya hopi lihe y prome cu kier a pag’e, ya el a kima henter e vehiculo.
ATV ta vehiculonan conoci como “all-terrain vehicle” of tambe ta yama nan “quad” of “four wheeler”. Mayoria auto asina ta pa chauffeur so y sin pasahero. Di otro banda, un UTV, conoci como un “utility task vehicle”. E ultimo aki ta permiti mas pasahero tambe den e vehiculo.
Ultimamente tin varios accidente cu e tipo di vehiculonan asina, cu ta masha uza ora di off-road riba camindanan di santo of camindanan na parti noord di nos isla.
