Na mita di e siman nobo aki, por spera pasado di tormenta tropical “Dorian” den lama Caribe. Aunke e no lo pasa cerca di nos isla, Servicio Meteorologico lo sigui su pasonan masha di cerca pa verifica cu no tin efectonan riba e situacion di tempo den careda di diamars of diaranson proximo. Hecho ta cu awor ta papia di un pronostico, cu semper y cuando por cambia durante transcurso di e trayectoria di e situacion di tempo.
Awe 11’or di mainta, e centro di tormenta tropical “Dorian” tabata situa na 750km oost zuidoost di Barbados. E sistema ta moviendo den direccion west cu un velocidad di 22 kilometer pa ora. Bientonan maximo sosteni ta di casi 65 kilometer pa ora, cu rafaga di biento mas halto. E presion minimo central ta di aproximadamente 1008 mb. E forsa di biento di e Tormenta Tropical ta extendi parti pafo di su zona te cu 35 kilometer for di e centro.
Pronostico ta indica cu su forsa lo aumenta durante e proximo 48 oranan y Dorian por yega cerca di forsa di horcan ora cu e move den e parti oost di lama Caribe. E movecion den direccion west di Dorian por sigui awe, sigui pa un birada leve west noordwest mañan, dialuna. Un movecion noordwest ta posibel pa Dorian haci su entrada riba Hispaniola. Segun e trayectoria di e pronostico e centro di Dorian ta spera di ta cerca di Isla ‘Riba dialuna of tempran riba diamars. Dorian lo mester move den e parti oost di lama Caribe riba diamars.
Pronostico y posibilidadnan:
Modelonan ta sugeri algo di debilidad prome cu Dorian yega Hispaniola, sigui pa un debilidad na un depresion debi riba e curso di e isla. Sinembargo, den un rango mas amplio di posibilidadnan, ta inclui tanto Dorian bayendo parti nort di Hispaniola of keda como un horcan of Dorian por caba completamente riba Hispaniola.
E ruta proyecta lo trece cu e ciclon tropical ta pasa riba un distancia sigur for di Aruba den e di dos mita di otro siman. Sinembargo, Departamento di Meteo di Aruba lo sigui monitorea e progreso di e sistema di tempo aki.
