Ya pa algun siman atras tin un investigacion andando relaciona cu traficacion di hende. Tin tambe un detencion cu a cay. E miembronan di recherche hasta a tira inval riba e bar Maxim cu ta keda net dos caya patras di warda di polis na Playa. E bar aki tabata opera cu muhenan di bida. Nan ta keda ariba of ta eherce e profesion mas bieu di mundo parti ariba unda tin camber.
Drenta e localidad aki no ta facil
E tabata porta na lock y tabata observa di paden ken ta pafo via camera. Kiermen tabata haci e trabou di autoridad un tiki mas dificil pa drenta y haci control. Tabata tin un pelea formal un biaha eynan caminda hasta yiu di e doño tabata envolvi. Eynan a hinca hende mata. E tempo ey e Maxim a bay mas den noticia. Mientrastanto e keda drenta keho di muhenan cu tabata ser invita pa bin eynan y tabata ser usa pa prostitucion.
Tabata forsanan haci cosnan cu nan no kier. Investigacion a sigui riba denuncianan y asina a haci entrada hudicial. A logra detene un dama cu lo ta encarga cu e localidad. Mesun dia di entrada hudicial a haci e detencion. A logra yega tambe den contacto cu Ministerio Publico cu a confirma cu ta trata di “mensensmokkel.” Ademas Ministerio Publico a confirma cu a detene un muher otro caminda mesun dia cu a drenta e bar pa investigacion.
