Aruba gusta comedia. Pesey e di dos siman di September lo tin comedia na Aruba. Den Cas di Cultura pa 8or PM e comedia “Realidad Rond Di Entiero” ta ser presenta dianan 11,12,13 di September.

Fabian Martina gusta scirbi y tabata tin un soño pa presenta un comedia di cosnan cu ta pasa. Fabian Martina tabata traha na un funeraria. Eynan el a  mira hopi cos cu ta pasa y asina a dicidi di scirbi e comedia. El a haya guia tambe di comediantenan conoci cu a yude pa e comedia ta un exito awe. E tin entre otro comediantenan nobo y otronan cu ta comediantenan di e grupo di Pachi Damon.

Un harimento di comienso te final. Un yiu homber Alexander cu a bay studia na Hulanda a bolbe como Alexia. E tata ora a mira con e yiu a a transforma, a haya un ataka te muri. Di eynan mas problema a cuminsa cu e asunto di entiero. Diripente diferente yiu y diferente mama di e difunto a aparece. Un bululu formal cu harimento sin fin den entiero y preparacion pa entiero. Bo no por perde e comedia aki. Busca bo ticketnan na CITGO Blvd y CITGO Esso Ville pa reserva bo luga sea Diaranson 11 di September, Diahuebs 12 di September of Diabierna 13 di September. Ban hari y pasa preto den Cas di Cultura cu e Comedia “Realidadnan Rond Di Entiero”.

Comments

comments