Jack Glynn y su famia tabata na Aruba pa nan vacacion, ora cu na dado momento na nan hotel, un di nan a nota un taxista a bin aden cu e number di taxi TX-117.
Jack ta conta den un post riba Facebook cu pa nan tabata inusual pa mira plachinan di number cu numbernan asina abao, ya cu nan ta bay te cu 6 cifra.
Jack a bay cerca e taxista prome cu el a bay y a puntr’e cuanto e por pag’e si e mester “perde” su plachi dilanti.
E taxista na su turno a puntre dicon ta nifica asina hopi esey. Como contesta Jack a cont’e cu esey tabata number di badge di un persona hopi special, kende a perde su bida ora cu e tabata haci e trabao cu e gusta masha hopi mes.
E taxista a bisa cu e no ta tuma ningun placa y cu e tin un extra na su cas. El a bisa cu e por pasa lag’e na e hotel den algun dia.
E dia a yega y e taxista a cumpli cu su promesa. El a pasa laga e plachi di number. E taxista tabata tin awa na wowo, ora cu Jack a mustr’e kende ta Mike (su colega). El a cont’e ken e tabata y con increibel e famia di dje ta.
E taxista a conta Jack cu su taxi normal ta hayando un service y cu e dia prome e tabata uzando uno bieu cu e no a core pa basta tempo.
El a pidi pa saca un potret y a bisa “E ta den mi curason awo.”
Jack a bisa e taxista cu e lo conta su storia y lo hiba e plachi pa e famia di Mike y su famia special.
Por ultimo Jack a conta cu nunca el a topa cu hendenan asina gentil manera e hende y amigonan cu el a topa riba nos Isla Feliz!!
