Patras di Corte na Playa, den vecindario di Kinikini Building, tabatin un caso di maltrato, bringamento y hincamento. A drenta informacion cu tabatin hende herida cu hinca. Polis a yega mesora na e sitio y a tende cu un di esunnan cu a comete e acto a huy, pues a bandona e sitio.
Segun e mama di dos mucha y su casa, a conta cu nan tabata comiendo den un restaurant patras di Corte, dado momento a surgi un pelea na momento cu nan a sali.
Aparentemente ta papia di muchanan cu ta bay EPB y nan lo tin problema cu e dos muchanan cu tabata comiendo cu nan mama y nan tata den e restaurant. Na salida a start un pelea cu arma blanco.
E tata a bay purba di kita e arma, pero den e proceso, un di e yiunan tambe a bula aden. Aki tanto tata como un di e muchanan a resulta herida levemente cu corta. Polisnan a cuminsa busca e agresor, pero no a topa cun’e.
Personal di ambulance a presenta na e sitio y a atende cu e victimanan cu no tabata grave. Polis tin atencion pa e caso y a keda di haci un denuncia oficial pa bringamento cu maltrato y agresion cu arma blanco.
