Tata agresivo a pleita cu casa y kibra cos den cas te spanta yiu chikito

5069

Un caso fastioso a sosode atrobe na un cas na Madiki Kavel. Di tur e problema aki ta nan propio yiu menor ta keda tur trauma. A drenta informacion cu tin un pelea andando na e cas na Madiki Kavel. A menciona cu tin pelea. Varios unidad di Polis a yega mesora. A cuminsa un investigacion na e cas.

E homber a sconde den camber. Polis a logra comunica cune. E kier a bandona e sitio na dado momento. E homber a bira agresivo den cas y a cuminsa kibra porta cu bentana y otro cosnan di su propio cas. E señora no kier a entrega keho. Nan tin un yiu chikito cu a mira tur loke a pasa y a core sali na careda for di e cas tur spanta atrobe. Ora cu Polis a yega ainda e criatura tabata den un trauma total. Polis a interveni.

E señora no kier a entrega keho contra e homber y pesey no a bay over na detencion. Mirando loke a sosode y mirando e susto cu e mucha a pasa aden, Polis a pidi e homber cu ta miho e bandona e cas pa diamars anochi. E mesun señora a hinca e homber den auto y bay hibe na otro cas na Sero Patrishi pa e pasa e anochi.

Mirando cu e problema ta entre nan dos, Polis a core tras di e pareha pleita den auto te Sero Patrishi. A warda e homber baha for di auto y djey e muher por a bay cas bek cu su yiu pa sosega den pas y trankilidad den nan cas na Madiki Kavel cu porta y bentana kibra.