Personal di SERLIMAR S.G. a haya un sla awe na momento cu a haya informacion di gerencia cu ta paga unicamente e salarionan.
Gerencia a manda un Memo pa empleadonan den cual ta informa nan cu a ricibi autorisacion di “Bewindvoerder” (apunta door di Corte) cu por paga solamente e salario di e empleadonan di SERLIMAR Sui Generis.
Ta informa e empleadonan cu ta haciendo e transaccion bancario pa manda e placa riba cuenta di cada empleado y pa mas tardar mañan lo ricibi e pagonan necesario.
Pa loke ta e vakantie-uitkering cu ta un pago cu e empleadonan mester ricibi e luna aki tambe, no tin e fondonan y no tin fecha pa ki dia e empleadonan por haya esaki. Asina cu tin e fondonan disponibel, lo haci e transferencia pa e empleadonan.
Manera ta conoci, SERLIMAR a pidi un Surseance van Betaling. E procedura aki ta duna e compania e chens pa hala rosea, wantando e pagonan cu nan mester haci. Pues den e situacion actual, tur placa cu SERLIMAR saca e director mester haya aprobacion di e “bewindvoerder” di Corte.
