Ta importante pa pone un caminda pa e mucha por cana, e caminda corecto. Si nan bay tuma tur decision riba nan mes, e por bay den e caminda robes tambe. Telefon pa Hubentud ta pone e guia, segun Shurman Milliard. El a sigui splica cu ta wordo puntra si nan mester duna nan e caminda bon. Esey ta algo cu den diferente investigacion a mira ta cu si un mucha no cay, of haci algo malo, e lo siña hopi di e caminda malo tambe. Telefon pa Hubentud ta duna e bentana pa mira un tiki den futuro. Si e kier tuma e tarea aki, kier cana e caminda aki, akinan e por end up. Si kier tuma e opcion malo, e muchanan tin esey caba. Nan sa caba cu esey ta malo of bon. Si bay bek tempo di nos crecemento, nos tur a mira caminda malo y toch a purba di bay eynan. No ta laga nan bisa pa no haci’e. Esaki ta e caminda, sino bo ta keda bay riba dje. Despues ta laga nan wak tambe e caminda cu lo ta mas bon, pasobra kier duna nan e opcionnan bon pa nan sa cu esaki ta e caminda malo, pero nan ta esunnan cu mester cana e caminda.
Ora cu haci algo malo, despues tambe bo ta sinti cu e ta algo malo. E sintimento ey, e caminda ey, kier laga nan wak cu bo por tuma e caminda bon y toch ta un mucha cu no ta esun mas laat den klas, pasobra esey hopi biaha ta e problema. Nan kier ta parti di un grupo. Nan no kier ta esun cu ta keda na cas anochi, nan no kier ta esun cu no ta haci e cosnan malo. Esey ta e peer pressure cu hopi biaha nos hobennan ta puntra via 131. nan ta yama y ta puntra. Un di e topiconan cu ta haya hopi pregunta riba dje ta peer pressure. Tur aña ta saca un top 5 di e preguntanan. Peer pressure ta un, termento ta un, sexualidad ta un otro. Algo cu hopi por mira den e ultimo añanan, ta e situacion na cas. Con por comunica mas cu e adultonan den su bida. Con e por comunica mas cu e tata y/of mama. Con por puntra nan e opcionnan cu e mes tin. Hopi biaha distancia entre e mayornan den nan bida, of e adultonan den nan bida, esey ta un overbruggingsstap cu Telefon pa Hubentud tambe ta yuda e hobennan mas bon cun’e. Con por bisa e tata cu el a haci algo malo, e tin duele di esey. Con por mehora e situacion. Of lesnan no ta bayendo bon y con por haci esakinan mas miho, sin wordo huzga y sin wordo grita door di e adulto. Si cuminsa papia di un problema, lo por haya un solucion pa e problema.
Tambe e hobennan ta bisa cu nan a tende door di e yamadanan, cual ta e prome motibo cu nan ta haya e informacion, door di e yamadanan cu nan tin un miedo pa papia nan mente. Si mira den nos cultura, tin ora tambe ta wak cu hobennan ta wordo bisa, cu esaki ta un combersacion di adulto, abo mester keda atras. Esey ta loke no kier. Kier pa un hoben tambe ta parti di cualkier combersacion cu nan tin. Mester bay na nan nivel. Esey mester sa con pa papia cun’e. Pero pa sla over un topico, esey no ta bon, pasobra sa den e temporada aki, cu tin hopi informacion cu ta wordo tira pa e hobennan, nan ta bay busca informacion y no tur informacion cu nan ta haya riba social media, riba internet ta corecto. Den investigacionnan a wordo bisa cu 60% di e informacion cu ta haya riba internet, ta informacionnan malo. Si bay bao di e palo of e hendenan p’afo, e informacion cu nan ta duna, ta djis pa duna informacion. No ta e informacion adecua tampoco. Pesey tambe Telefon pa Hubentud tey, pa e mucha por yama, haya e informacion corecto, riba un manera adecuado segun su edad. Pero tambe laga e adulto sa cu nan ta para banda di e adultonan, banda di e tata y mama, banda di maestronan na scol. Nunca ta bay contra di e conseho di un tata y mama, pasobra esey ta partnernan di Telefon pa Hubentud. Ta laga nan sa di e diferente oportunidadnan cu nan tin pa cana un caminda y laga nan sa, unda nan por end up, si nan tuma e caminda malo, segun Milliard.
