Diadomingo atardi tabata continuacion di campeonato di AVB ora cu e Pumanan esta Sv Britannia Total Finance a topa cu e indianan Caiquetio den CD Guillermo P. Trinidad. SV Britannia Total Finance a cuminsa cu e siquiente aliñacion: the return of the dragon Kendrick Dania, Junel Sanchez, Carl Geerman, Shanyika Godoy, Derwin Donato, Niño, Coco, Renier Paraez, Johnatan Ruiz, Seba Montoya y e hoben di 15 aña Daniel Sophia.
SV Britannia a bin hambra pa e 3 puntonan mientras di otro banda Caiquetio kier a pone su stempel den división Honor manera nan tabata bin ta hasiendo den nan ultimo weganan. Manera tabata di spera e DT di Caiquetio Nono Tromp a bin cu e strategia pa defende cu 9 homber y trata na contra ataca cu sorpresa, pero e team di Sv Britannia Frisian Flag tabata bon para ariba tereno y casi no a duna e indianan un chens. E prome tempo ta bai aden cu score di 1-0 pa Britannia Bright Bakery cual gol a wordo anota pa Sebastian Montoya. Den di dos tempo a bai casi igaul cu e prome tempo cu un Caiquetio defendiendo y di otro banda un Britannia Vitamalt tratando di penetra e defensa di 9 homber di Caiquetio.
Tabata na di 90+ minut ora Renier Paraez ta wordo tumba den 16 y refree ta pita pinalty y aki ta unda Seba Montoya ta amplia e score di 2-0 pa SV Britannia Pizza Hut y di biaha refree ta fluit pa final di e wega y asina Sv Britannia CMB ta bai cu cas cu e 3 puntonan. E proximo wega di Sv Britannia Wester Union lo ta
diasabra awor 28 april 2018. Un pabien na e hungadornan y staff technico.
