Seleccion di productonan Super Deals lo ser amplia mas ainda den lunanan venidero
E supermercado Super Food a caba di introduci un seleccion grandi di productonan fresco na un prijs sumamente abou den e categoria di descuento Super Deals.
Mientras cu clientenan ya caba conoce e descuentonan semanal di Bonus Specials y descuentonan mensual di Super Deals, awor clientenan por goza di un surtido mas grandi di productonan na prijs reduci den e departamentonan di fruta y berdura, panaderia y keeshi cu beleg. Esaki ta duna clientenan mas opcion pa spaar mientras cu por cumpra productonan fresco y saludable.
E intencion tras di e ampliacion di e Super Deals ta pa duna henter comunidad acceso na productonan saludable y di calidad halto, pero na un prijs asina abou cu por fit den budget di un y tur. Pa algun tempo caba, Super Food tabata den negociacion cu su proveedornan internacional di mas grandi pa asina traha ariba e posibilidadnan pa ricibi descuentonan di volumen cu por yuda baha prijs di e productonan mas usa den nos comunidad. Esaki no ta algo cu a bai facil, pasobra cu demanda pa hopi producto y materia prima ta fluctua y pa por ricibi un descuento considerable den prijs por mayor, mester mara bo mes na un cantidad di compra hopi grandi tambe. Sinembargo, awor ta asina leu cu e prome containernan a yega cu e productonan aki aden. Super Food ta den negociacion cu distribuidornan local tambe pa mira unda ta posibel pa ofrece mihor prijs.
Clientenan por ripara borchinan nobo den e departamentonan di fruta y berdura, keeshi y beleg, como tambe e panaderia, indicando e prome productonan cu ya caba ta obtenibel. E prijsnan di Super Deals ta sumamente abou y lo keda asina pa un temporada minimo di un luna, mientras tin den stock. Despues lo cambia esakinan pa otro producto tambe cada luna. Di e manera aki, clientenan por haci tur nan compras diario na Super Food y ta sigur cu nan a haya e mihor prijsnan na Aruba. Pronto tambe lo sigui amplia e seleccion di Super Deals pa e departamentonan di frozen, carniceria, como tambe grocery. E descuentonan semanal di Bonus Specials lo continua mescos, cu un seleccion nobo tur diabierna.
Clientenan mester usa nan Bonus Card pa asina ricibi e descuentonan menciona. Si ainda bo no tin un Bonus Card, por aplica pa esaki gratis na e customer service desk. Cu e Bonus Card por acumula punto cu por ser cambia bek pa producto, banda di por disfruta di e diferente descuentonan obtenibel den e tienda. Tambe por usa e Bonus Card den e otro tiendanan manera Casa, Intertoys y Jack’s Café Aruba. Super Food ta haci un invitacion na henter comunidad pa pasa admira e cambionan cu a ser haci na nan panaderia, carniceria, como tambe departamento di fruta y berdura. Alabes por sera conoci cu e seleccion extenso di Super Deals y keda convenci, cu den prijs, calidad y servicio no tin otro supermercado mihor cu Super Food.
