Suecia a haci un actuacion perfecto pa accede na e octavonan di final a lo grande, tras di impone 3-0 na e seleccion cu Mexico tabata lidera, Grupo F.
El Tri solamente a salba di un cruel eliminacion pa e derota di Alemania contra di Republica di Corea.
E Europeonan a cuminsa di forma poderoso, dominando e oportunidadnan di gol y mustrando un constante peliger. Sin embargo, nan mester a warda te na di dos mita pa habri e scoreboard.
Suecia, cu tabata busca un triunfo di 2-0 pa garantisa e pase, a redobla su bentaha cu un penal comberti pa Andreas Granqvist den minuut 61. Y Blagult a topa cu un resultado di pelicula faltando 16 minuut, cu un gol den su propio porta di defensa Mexicano, Edson Alvarez.
Mexico a pone mas impetu na ultima ora, pero Suecia a mantene un impresionante firmesa atras.
Despues tabata tin silencio den e tribuna ocupa pa e aficionadonan Mexicano, te ora cu e noticia di e inesperado resultado na Kazan, a caba den un fiesta.
Foto: FIFA©
