Despues cu a bira conoci cu Universidad di Aruba kier kita profesor de derecho constitucional mr. dr. Ryçond Santos do Nascimento a surgi hopi disgusto bao di studiantenan na UA. Nan ta reuniendo pa determina den ki forma ta bay laga nan voz resona pa para e persecusion politico contra di e docente hopi aprecia mr. dr. Ryçond Santos do Nascimento. Por spera cu e studiantenan lo tuma accion den e siguiente dianan pa expresa nan opinion pa cu e desaroyo aki.
Studiantenan ta mustra cu no solamente nan, pero tambe profesornan di Hulanda cu nan a haya college di nan a mustra semper cu nan tin hopi admiracion pa Profesor Rycond. Un di nan sigur ta Professor Elzinga.
Mientrastanto 24ora a haya mas informacion di e desaroyo y inicio di e persecusion cu cambio di gobernacion. Na december 2016, Ryçond a defende cu exito un excelente disertacion constitucional, titula Het Koninkrijk Ontsluierd (Antwerpen/Apeldoorn: Maklu 2016). Segun su supervisor, professor dr. Douwe Jan Elzinga, e disertacion aki ta demostra di manera convincente cu e Statuut voor het Koninkrijk der Nederlanden ta claramente relaciona cu e ‘ethische politiek’ cu Hulanda a aplica durante e era colonial. Ademas, e profesor di Derecho Constitucional, prof. dr. D.J. Elzinga, a informa e Human Resource Manager (anterior) di Universidad den un carta fecha 21 november 2015, tocante e funcionamento di Ryçond di e siguiente manera:
‘Rycond is een uitstekende docent en heeft een uitmuntende inzet getoond in de afgelopen jaren. Zowel onderwijskundig, vakmatig als wat betreft zijn organisatorische kwaliteiten behoort hij tot de hoogste categorie. Naast deze inzet heeft hij met grote voortvarendheid gewerkt aan zijn proefschrift. Zijn intellectuele vaardigheden zijn sterk, alsmede zijn doorzettingsvermogen. Er zijn derhalve geen belemmeringen om een aanstelling tot wetenschappelijk medewerker te realiseren en na de promotie deze om te zetten in een aanstelling tot wetenschappelijk hoofdmedewerker.’
A base di su disertacion y defensa, Ryçond a obtene e titulo academico di doctor di e Universidad di Groningen riba 15 di december 2016 (Dia di Reino). Pa e motibo aki profesor Douwe Jan Elzinga a pidi rector pa promove Ryçond pa e funcion di ‘wetenschappelijk hoofdmedewerker’. Esaki di acuerdo cu e maneho y practica di Univesidad pa cu e Facultad di Derecho. Pa motibonan desconoci nada a wordo haci cu e peticionnan aki. Pa e motibo aki y despues di casi un aña, na september 2017, Ryçond a solicita pa e puesto di ‘wetenschappelijk hoofdmedewerker Algemene Rechtswetenschappen’.
Un job interview a tuma luga cu Ryçond dia 24 di October 2017. Ryçond tabata e ultimo candidato pa haci e interview. Ryçond a wordo selecciona como e candidato mas adecua, pero Universidad no a ofrece e posicion di hoofdmedewerker cu el a aplica p’e. Despues a bin resulta cu e rector, Glenn Thodé, a manda un email na e sollicitatiecommissie dia 7 di november 2017 cu rekisitonan nobo y mas stricto pa e posicion y cu e instruccion pa aplica e rekisitonan aki riba e caso di Ryçond. E sollicitatiecommissie a obedece e instruccion aki dia 13 di november 2017.
E email di e rector ta establece, entre otro, e rekisito nobo di un seniorkwalificatie onderwijs (SKO). Precisamente e rekisito aki di un SKO nunca antes a wordo exigi di ningun otro miembro di e personal academico di Universidad. Tres di e cuater hoofdmedewerkers actual di e Facultad di Derecho ni sikiera tin un basiskwalificatie onderwijs (BKO). Ningun ex-hoofdmedewerkers tabatin un SKO. Ademas, Universidad di Aruba nunca a ofrece un trayecto di SKO y tampoco lo ofrece esaki den un futuro cercano.
Persecucion politico
Pesey hopi ta mira e asunto aki como un persecusion politico cu e studiantenan ta lamenta masha hopi mes. Den cada raport di e trabao di Ryçond na Universidad, e ta wordo describi como un persona cu ta traha cu entusiasmo. E raportnan tambe ta mustra cu Ryçond semper a cumpli cu su responsabilidadnan administrativo di manera adecua y cu e ta compromete su mes activamente na duna contribucion social.
Durante e ultimo dies añanan, Ryçond a acumula un track record substancial den asesoramento (gratuito) den e area di derecho constitucional y administrativo y, en particular, derecho di Reino. Entre otro, Ryçond a asesora gobierno y parlamento di Aruba riba solucionnan pa conflictonan constitucional den Reino.
Den circulonan den Parlamento voznan a cuminsa resona cu e asunto aki lo mester bay wordo presenta na nivel di Reino mirando cu tin diferente Universidad di Hulanda cu ta traha cu Universidad di Aruba y cu nan mester worde informa con asuntonan a para bira na Universidad di Aruba. Profesornan manera Hirsch Ballin y Elzinga cu conoce Rycond hopi bon sigur lo keda asombra con leu persecusion politico por yega na Aruba te pa kita e libertad di un docente di tin un opinion politico algo cu na Hulanda ta hustamente promove pa mehora conocemento cerca partidonan politico. E situacion aki ta birando un pagina scur den e historia bunita di Universidad di Aruba. 1
