Piscina Olimpico Roly Bisslik, diadomingo 16 di juni ta un dia historico den mundo di landamento. Stingray Swimming Team ta bira CAMPEON DI ARUBA.
Un weekend largo tras di lomba pero satisfecho cu e resultado, for di diahuebs nos atletanan ta bataya pa gana cada punto y na final di anochi Stingray tabata mas cu 70 punto dilanti. Den transcurso di e weekend e diferencia a keda bira mas grandi esaki a hacie mas dificil pa otro teamnan yega serca di e team campeon.
Stingray ta sera e Campeonato cu un total di 3363 punto cu un diferencia di mas cu 500 punto. Un Pabien na cada atleta cu a forma parti di e competencia aki y cu a yuda nos team score punto. Durante e Campeonato aki e mihor landadornan ta haya highpoint trophy y aki nos ta score 8 for di 14. Campeonnan di ARUBA ta:
categoria 6 & under Leandro Santiesteban
categoria 7-8 Eva Marie Kock
categoria 11-12 Giancarla Larez y Jaydon Croes
categoria 14-15 Elisabeth Timmer y Brandon Cheong
categoria 18 & over Anahi Schreuders y Mikel Schreuders
Durante e competencia aki varios record a wordo kibra y nos kier felicita Leandro Santiesteban cu a logra pone tres record riba su number den categoria 6 & under. Stingray tabata tin resfuerso e weekend aki di tur atleta cu ta forma parti di nos club y cu mester competi pa forma parti di seleccion di Aruba y cu ta den exterior pa cu scol, danki pa bin mustra nos atletanan kico tur bo por logra cu landamento.
Stingray kier gradici tur mayor pa e tempo, voluntarionan cu ta haci e weekend posibel, Mariott cu ta yuda cu timers. Finalmento nos coachesnan cu ta guia cada atleta pa asina mehora nan tempo y purba saca lo maximo di cada atleta. Stingray semper tabata un symbolo di calidad y e weekend aki e a wordo demostra cu nos ta CAMPEON DI ARUBA.
