Recientemente Aruba Domino Bond nan campeonato a yega su final unda e gran ganador a resulta e ekipo di Noordstars “Pizza Hut” DT cu a vence e ekipo di Ottleyd DT.
E wega pa e di tres y cuater lugar a bay entre Old Parr DT y The Eagles DT aki Eagles den un extra wega ta vence Old Parr pa asina termina na di tres lugar. E federacion di domino por mira tras di un otro tremendo campeonato di domino unda varios ekipo a participa unda a lo largo e mihornan a bay cu e prome cuater lugarnan. Mas cu claro ADB kier a gradici tur patrosinador cu a yudanan den gran forma e campeonato aki.
Awor Aruba su seleccion ta preparando pa e di 16 edicion di e campeonato mundial di domino cu lo tuma lugar e dianan 25, 26 y 27 di oktober na e ciudad di Santo Domingo, Republicana Dominicana. Den e ultimo tres edicionnan di e mundial di domino na Orlando, San Juan y Willemstad, Aruba Domino Bond su seleccion a sa na logra un tremendo resultado pa Aruba.
Lotto, e loteria di Aruba pa medio di Stichting Sportsubsidie Aruba a yuda subsidia e campeonato di domino 2018 organisa pa Aruba Domino Bond
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
