Diabierna mainta Corte tin un caso pisa riba agenda. Ta trata di e caso contra Stephen Wilson, acusa di a mata tres persona pareu. Ta tene responsabel pa e accidente fatal cu a tuma luga na inicio di october den Colony.
E lo a core duro y malo causando un accidente unda dos ruman muhe, mas un baby di un di nan tambe a fayece. Por corda cu e tempo ey e caso a causa consternacion pasobra el a sali di hospital y no a deten’e. Cinco dia despues a arest’e porfin.
Anteriormente e caso a bini dilanti como pro forma y a apunta e fecha di dia 21 di april pa trat’e. E acusacion contra dje ta homicidio.
E accidente fatal a causa un shock den comunidad. E famia a caba di sali for di beach y tabata bayendo cas. Tabatin varios mucha den e auto y tur a ricibi lesionnan serio.
E acusado ta traha na e bar na Baby Beach y tabata rumbo su trabou. Awo cu e acusacion aki, e ta enfrenta acusacion serio cu lo por conduci den un castigo di prizon largo. El a caba cu henter un famia posiblemente door di stuur auto burachi.
