Stellaris Casino a gradici su tier players, pa nan bishitanan durante aña 2019 cu un detaye special. A prepara basket pa hungadonan cataloga silver, gold y platinum, y sin lubida e categoria black tier. Dialuna anochi a invita tur hungado pa ricibi nan Holiday Stellaris Basket.
Nan a ricibi bon productonan den nan basket, entre otro Don Patron, Moët, Old Parr, Double Black Label, Dewars 18, Bacardi 18, Bacardi Gold. Tambe a ricibi Hipnotiq y diferente otro marca. Cada tier player a ricibi nan basket separa, kiermen silver player a haya un parti, gold a haya un diferente y platinum diferente, asina Yazira Javois-Feliciana, Director di Marketing, a indica.
Durante entrega di basket, e platinum player a bay cu 2 basket y e edicion special di Balashi, esta e Bsixty2. Pa Stellaris Casino tabata un honor di por a entrega esaki na tur player kendenan a ricibi e edicion special di Balashi. Esaki ta un forma con e Casino ta aporta tambe na eventonan special cu nos productonan local.
Stellaris Casino a cera e aña cu su tier players den un forma grandi y esaki ta pa mantene e expectativa pa 2020. Lo habri aña cu carnaval y ya caba Stellaris Casino ta trahando riba su promocionnan pa habri e aña den un forma espectacular. Di eynan ta sigui core henter e aña. Pueblo lo scucha mas di esakinan den e simannan cu ta bin.
Esaki ta un forma special con cera aña cu clientenan, celebrando na un forma grandi. E casino ta contento di a mira caranan contento. Na final di dia no ta solamente cu el a bay bon pa Stellaris Casino, pero kier p’e clientenan tambe sinti bon pa locual ta ofrece nan. No ta solamente si ta bay hunga na un mashin y ta gana of perde of participa na un promocion, pero e Casino kier celebra hunto cu su hendenan e fin di aña.
“Nos ta sinti nos hopi special di por laga nos clientenan celebra nan dianan di fiesta hopi mas special dunando nan un toke di appreciation, cu ta e forma di basket”, Yazira Javois-Feliciana a sigui indica. Stellaris Casino ta gradici tur su clientenan di 2019 pa ta clientenan leal pa bishita durante henter aña 2019. Den nomber di staff y personal di Stellaris Casino, ta desea e pueblo di Aruba, tambe na su clientenan un feliz dianan di Pasco y feliz cambio di aña yena cu hopi amor, salud y principalmente hopi suerte.
