Un investigacion a cuminsa na momento cu a drenta informacion di e pelea na Sero Patrishi 254 y ora cu polis a topa e victima tur golpia y na sanger na altura di Tanki Leendert 134, nan a pidi pa ambulance, pero a notifica recherche tambe y cuerpo tecnico.
Polis a considera e caso di maltrato uno serio. Nan a bay despues cu recherche y cuerpo tecnico na e adres Sero Patrishi 254. Y despues di investigacion na e sitio a bay over na detencion di e agresor.
E agresor aki a bati e homber, manera ta conoci na momento cu el a bin bishita su yiu cerca su ex.
El a bin duna e yiu bon pasco y a haya un paranda di golpi na momento cu a surgi un discusion na dicho adres. Esaki ta momento cu recherche ta bezig cun’e, ta transportando e pa warda di Santa Cruz, unda e lo keda cera pendiente e proceso di interogacion relaciona cu e maltrato serio cu e ta wordo sospecha di dje, pasco mainta despues di 10’or y mey.
